Adi irakurri gaurko sarrera
hau, izan ere, erorketek dakartzaten ondorio larriena izango dugu
aipagai: Kennedy Sindromea edo Erorketaren Ondorengo Sindromea.
Dena den, ezer baino lehen,
eta ohitura dugun legez, etimologia pixkat!
Erortzen
direnen erdia, gutxi gora-behera, behin baino gehiagotan erortzen
dira urte osoan zehar (ALFARO, 2008).
Gainera,
honezkero jakingo zenuten instituzionalizatutakoak gehiago erortzen
direla, bada ohe bakoitzeko, 1,5 eorketa izaten da urteko. Halaber,
erori zain direnen %25ak esan du beraien mugikortasuna mugatu egin
dela eta Eguneroko Bizimodurako Ekintzak burutu ahal izateko
independentzia galdu dutela.
Dena den, ezinezkoa da
erorketen fenomenoa, eta honenbestez sindrome honen fenomenoa lesio
fisikoen bidez soilik azaltzea (ALFARO, 2008).
1982an Murphy eta Isaacs
ikertzaileek aurkitutako sindrome hau azaldu nahiko bagenu, horrela
definituko genuke:
“Erori den adineko batek
izan duen jarrera eta jokabide aldaketa.”
Bere
ezaugarriak, besteak beste, honako hauek dira: mugikortasuna
murriztea, berriro erortzeko beldurra, sozialki isolatzea eta
norberarengan dagoen konfidantza galtzea (ALFARO, 2008).
(AUSTRALIAN GOVERNMENT, 2005)
Nondik dator sindrome hau,
baina?
Zer da lehena? Erortzeari
beldurra edo erorketa bera? Erantzuna edozein izanik ere, argi dago
harreman estua dagoela bi faktoreen artean (ALFARO, 2008).
Hain zuzen ere,
instituzionalizatutako edadetuen erdiak dio erortzeri beldurra
(Frantoni S.et al., 1994 in ALFARO,
2008). Are gehiago, egindako ikerketa prospektibo batean (Austin N et
al.2007; in ALFARO, 2008), zeinetan 70 eta 85 urte arteko1282
emakumeri inkesta bat pasatu zitzaion, ikerketaren hasieran laginaren
herenak zion beldurra erorketei. Hiru urte pasa ondoren, ostean,
beldurra %43ak zuten. Pentsatu nahi da, beraz, denbora aurrera joan
heinean, beldurra ere areagotzen dela.
Argi dago, edonola ere,
sindrome hau eta erortzeari beldurra ez dela pertsona guztiengan
berdin garatzen. Bestela, ikusi bi ikerketetan (Austin N et al. 2007;
in (ALFARO, 2008 eta Vellas et al. 1997; in ALFARO, 2008)
ondorioztatutakoa:
- Adinean gora egitea
- Emakumezkoak
- Orekaren eta
mugikortasunaren aldaketa
- Aldez aurretik erori izana
eta lurrean denbora luze igarotzea
- Bakarrik bizitzea.
- Endekatze kognitiboa
- Depresioa
.- Maila ekonomiko baxua
- Osasun egoera kaxkarra
Arrisku faktoreak
ezagutzeak eskuhartzea diseinatzerako orduan xede taldea finkatzen
laguntzen digu. Sindrome honen ondorioak,
ordea, zehatzagoak dira; gehiago erortzeaz gain, beste hauek dira:
barnerakoiagoa bilakatzea, aldez aurretik genituen ohiturak aldatzea,
bizitza itxaropenak aldatzea, bere etorkizunarekiko eta inguruarekiko
jarrera aldatzea eta pixkanaka behera jotzea eta ezindua bilakatzea
(ALFARO, 2008).
Bukatzeko, gurpil-zoro hau
nola ekidin litekeen azalduko dugu. Lehenik eta behin, eskuhartzeak
arrakasta gehien eta emaitza eraginkorrena lortu dezaketen hiritarrak
zeintzuk izan daitezkeen identifikatu beharra dago.
Izan ere, arrisku-faktoreak
ezagutzeak, lehen-mailako prebentzioak eta eskuhartze goiztiarrak
erantzun ona ematen laguntzen dute.
Bestalde, nahiz eta esparru
komunitarioan esku-hartzeek duten eragina aztertzen dituen ikerketak
falta diren, argi eduki behar da lehen mailako prebentzioarekin
erortzeari beldurra murrizten dugula, eta bigarren mailako
prebentzioarekin, berriz, erorketak.
Bigarren mailako
prebentzio honek, era berean, horrelakoa beharko luke
(ALFARO, 2008):
- Minaren kontrola
- Erresistentzia lantzeko ariketak
- Oreka lantzeko ariketak (Tai-Chi)
- Beldurraren, antsietatearen eta depresioaren kudeaketa
- Etenaldiak gehiegi ez luzatzea
- Gain-babesa ekidin
- Osasun eskuhartze egokia, etxeko eta inguruko eskuhartze multifaktoriala barne.
Bibliografia
ALFARO,
A. "Síndrome post-caída". En AAVV, Actas de
la 1ª reunión de la Sociedad
Extremeña de Geriatría y Gerontología. Caceres,
22 de Noviembre de 2008. Cáceres,
2008.
Austin
N et al. Fear of falling in older women: a longitudinal study of
incidence, persistence, and predictors. JAGS 2007; 55:1598
Frantoni
S.et al. Fear of falling in nursing home patients. Gerontology 1994;
40:38‐44.
Vellas
et al. Fear of falling and restriction of mobility
in elderly fallers. Age Ageing 1997; 26: 189‐93.
iruzkinik ez:
Argitaratu iruzkina