Hurrengo
sarrera motz honetan, gure ariketa fisikoko programa zehazteko pare
bat zertzelada azalduko dizkizuegu, betiere Dawn Skeltonen bi
artikulu hizpide hartuta.
Normala denez, gure programak hobetu nahi ditugu, eta ibiliaren ibilian gure ezagutza handitzen doa. Adibidez, komenigarria da oreka landu nahi duen programa batek gutxienez hiru hilabetean zehar astean hiru egun lan egitea (Skelton, 2011a).
Bestalde,
asko erabiltzen diren baliabideak badira ere, txirrindularitzak eta
ibiltzeak ez dute oreka hobetzen bere kasa.
Oreka hobetzeko egin behar dena arrisku mugatua duten ariketa
erregularrak programatu eta maiztasunez egitea..
Beste
ariketa batzuen eragina ikusiko dugu orain. Ibilera, koordinazioa eta
funtzionalitatea lantzen dituzten ariketek Up and Go testeko
emaitzak, hanka batean dugun oreka , ibilera eta Berg azterketa
hobetzen dituzte. Indarra lantzeko ariketek, berriz, Up and Go-a,
oreka eta abiadura; hiru dimentsiotan egindako ariketek, adibidez,
dantzak eta tai-chiak, berriz, Up and Goa, oreka eta Berg eskala.
Honekin
ikus liteke, honenbestez, guk ariketa bat aukeratzen dugunean,
ondorio ezberdinak dituela eta horregatik, bi aldiz pentsatu beharko
da ariketa baten aldeko hautua egin aurretik.
Halaber,
eta aurreko artikulu batzuetan esan bezala, ariketa
fisikoak espezifikoa izan behar du, eta gainera, ikasleen interesak
eta kezkak ase behar ditu.
Edonola
ere, ariketa fisikoa egin aurretik ikasleen ezaugarriak aztertu behar
dira, baita mugak ere, eta behin hori eginda, programa diseinatzeko
moduan gara (Skelton, 2011b).
Horretaz
gain, ikasleen ariketa fisikoaren maila zen
den, jarrera, garraioa, osasuna eta gaitasun funtzionala ere kontuan
hartu beharko ditugu.
iruzkinik ez:
Argitaratu iruzkina