Gero eta
‘zaharragoak’ izan, orduan eta gehiago erortzen omen gara
(Skelton, 2011), horretan ados gaude. Grundstorm eta enparauek 2008.
urtean egin zuten ikerketan, non 125000 adinekok hartu zuten parte,
ikusi zen 85 urtetik gorakoen %20a erori zela aurreko hiru
hilabeteetan. Honi gu guztiongandik jakina den datuari gehitzen zaio,
hau da, urtero adin-tarte horretatik erdia lurrera joaten den kopurua
(NHS,
s.d.), alegia.
Dena den, askok
eta askok arrazoietan desadostasunak dituzte eta ez da harritzekoa,
faktore asko baitaude. Hala ere, ziur esan dezakeguna da adina baino
beherakada fisiko orokorra dela eragin handietako bat, baita
gizonezkoen lo eskasia, bihotzeko arazoak, Gorputz masaren Indizearen
(GMI) gorakada, alkohola edatea eta osasun arazoak eta behar dituzten
makinak ez erabiltzea ere.
Askotan aipatu
den bezala, erorketen atzean barne-faktoreak egon daitezke, esate
baterako, ibiltzeko laguntza behar izatea, mugikortasuna galtzea,
bertigoak gure oreka kaltetzea, zorabioak izatea, entzumena eta
ikusmena gaizki egotea, botika asko hartzea, kontzientzia maila urria
izatea, kognizio aldetik eskas izatea eta aurretik ere erorketak
izatea. Kanpo-faktoreek, ordea, zeresan handia dute erorketetan, eta
horiek aztertzea beharrezkoa izango da eskuhartze egoki baterako.
Erortzeko
beste arrisku-faktore batzuk tabakismo eta alkoholismoa, hipertentsio
arteriala eta obesitatea lirateke. (Cortes eta Coyoc, s.d.)
Hau honela,
prebentzio orok erortzeko arriskua baloratu beharko luke, errejistro
bat izateko parada izan, materiala, laguntza eta tresnak eskaini eta
pertsona denboran eta espazioan kokatzea.
Honen harira, erorketek sortzen dituzten gastuak kontuan hartzeko
modukoak dira (Cortes eta Coyoc, s.d.), ez baitira inola ere txantxa.
Beraz, saiatu beharko ginateke erorketen arazoa era sistematikoan eta
zehatzean aztertzen, erorketak ekidin eta dirua aurrezteko.
Baina ez da berdina adin tarteko batzuekin egin beharreko prebentzioa
eta beste batzuekinegin beharrekoa, saskibaloi talde batekin eta
netballeko beste batekin egin beharreko lana ezberdina den bezala.
Goazen, bada, artikulu baten laguntzarekin gaia sakontasunez
jorratzera eta 75 urtetik gorakoekin zer egin daitekeen ikastera.
Bizi-itxaropena
izugarri hazten ari den honetan, 65 urtetik gorakoak azkarren hazten
ari diren gizarte taldea dira, orain dela 20 urte inguru (1986an,
zehazki) biztanleriaren %10,6a baitziren, eta gaur egun, berriz,
19,79a (Eustat, 2012).
Nagusiak gehiago bizitzea oso berri pozgarria da, baldin eta beraien
bizitza erosoa eta minik gabekoa izan bada, baina gaur egungo
jaiotze-tasarekin, hainbeste adineko egoteak izugarrizko desoreka
demografikoak sortzen ditu, eta ondorioz, galera ekonomiko
nabarmenak. (Cortes eta Coyoc, s.d.)
Datu
eta estatistika bitxiak ezagutaraztea asko gustatu ohi zaigu, eta
ondoren esango dudana horietako bat da, begiak ireki eta egoera
ulertzeko modukoa. Hain zuzen ere, gure bizitza guztiko arreta
medikuaren %18a gure azkeneko urtean izan ohi da. Pentsa, beraz,
hainbeste luzatu den bizitzak nolako amaiera duen, are eta gehiago
zahartzaro aktiboa mantentzeko gai ez bagara (Cortes eta Coyoc,
s.d.).
Heriotza tasa
pixkanaka-pixkanaka gora doa, gauza guztiz ulergarria gero eta
adineko gehiago daudela kontuan hartzen badugu. Are ulergarriagoa da
adinekoen hauskortasunak duen eragina ikustean, baita lotuta
edukitzen dituzten hamaika botikek bukaeran sortzen duten ahulezia
eta ‘alienazioarengatik’ ere.
Ez da
harritzekoa adinekoen artean ezindu fisiko asko aurkitzea, izan ere,
gorputzaren maldan behera hasia da jada eta gaitzak larrituz edo
agertuz doaz. Emakumeen artean arazo neuropsikologikoak, arnasteko
ezintasunak, gaitz kardiobaskularrak eta ikusmenaren beherakada
handitzen dira. Gizonezkoetan, berriz, gaitz berberak, nahiz eta
ikusmenean arazo gutxixeago izaten dituzten.
Denborarekin
agertzen den beste ohiko gaitz bat gaixotasun muskulueskeletikoak
dira, giharraren lesioak hezurrean eragin baitezake, edo alderantziz.
Artritisa
inmuno prozesuaren eragina da, borroka horretan inflamazioa sortzen
baita eta hori lausotzen ez denez gaixotasun kronikoa baitakar. Hala
ere, genetikak ere badu zeresana artritisaren agerpenean.
Gainera,
adinarekin gora doa agerpena, estresa eta obesitatea ere bidelagun
direlarik.
Osteoporosia, berriz, 75 urtetik gorakoetan agertzen da bereziki,
kaltzio kontzentrazioa jaistean hezurrak ahuldu egiten baitira,
apurtzeko errazagoa delarik. Arrisku-faktoreak bizitza sedentarioa,
kaltzio gutxiko dieta, tabakismoa eta estrogeno kopurua galtzea
(emakume postmenopausikoen) dira, besteak beste. Babesteko faktoreak,
berriz, ariketa fisikoa, kaltzioa izango duen dieta (gazta, esneak,
esnekiak, arrain urdinak, …) eta hormonekin eskuhartzea lirateke.
(Cortes eta Coyoc, s.d.)
Bestalde,
estatistikak gure jakin-mina asetzeko daude, eta orain adin
nagusikoen kirola nolakoa den jakiteko egarria dugu. Bada, % 18ak
bere kasara egiten du kirola, ariketa fisikoa lagun artean egiteak
dakartzan onurak ahaztuz. Horretaz gain, ikusi da %46ak ez duela
inolako kirolik egiten, eta oso portzentai txikia dela egunero egiten
duena, %8,5a, hain zuzen ere.
Kataluniako
esperimentu batek, halaber, Erorketak Ekiditeko Programa batean parte
hartu zuten %80ak ariketa fisiko kopurua handitu zutela ikusi zuen,
lehen aipatu dugun %46ko jendetza pasibo hori gutxitzen joateko
nahikoa. Halaber, %48ak klasekideekin zituzten harremanak mantendu
zituen, maiz elkartuz. Datu hauekin bukatzeko, partaide horiek
medikuarenera egiten zituzten ‘osteratxoak’ %46 jaitsi zirela
ondorioztatu zen. Hau honela, tankera honetako programa baten
garrantzia nabarmentzen da, onura fisiko eta sozialak berehala ikusi
baitaitezke. (GINÉ-GARRIGA,
GUERRA, MANINI, ET AL., 2010).
Izan ere,
ariketa fisikoaren garrantzia ez da nolanahikoa adin batetik aurrera.
Ohikoa da, behin erretiratu ostean, gizakiak hutsune soziala
sumatzea, eta horretarako ia-ia inkontzienteki talde baten bila
dihardu dela ekintzaren batean izena emanez, dela lagunekin maizago
elkartuz, dela beste edozein arrazoi.
Osasunarekin
jarraituz, gorputza mugitzeak, burmuinari zukua ateratzeak eta
elkarrekintza sozialak aktibo mantentzen gaituzte. Hori hartu beharko
da kontuan adinekoentzat ariketaren bat prestatu nahi badugu.
Horretaz gain, agureen osasuna sustatzeko, espazioak eta ekintzak
bultzatu beharko ditugu, osasuntsu egoteko neurri errazak hartu
beharko dira, adinekoei negozio eta eraikin publikoak izatea
ahalbidetuko zaie, bizi kalitatea erdiesten lagunduko diguten
irtenbide eta ekimenak antolatuko dira eta erakunde askoren arteko
elkarrekintza osatu beharko da (Cortes eta Coyoc, s.d.).
Gure
bizitzaren jabe garenez gero, eta adinekoen kasuan gehienetan egun
osoa libre antzean dugunez gero, gu geu gara gure egutegiaren
egileak. Ariketa egitea funtsezkoa izango da, baita ekintza
kulturaletan parte hartzea ere. Dena den, gaitasun mentala lantzea
derrigorrezkoa da, adin nagusikoentzat prestatuta dauden heziketa
ikastetxeetan eta baliabideetan (EPA, CSCM, ikastaroak,…), ariketa
kognitiboak eginez, egiten dugunari zentzua eta esanahia emanez,
ariketa fisikoa eginez eta mota askotako elkarrekintzen bitartez.
Laburbilduz,
adinarekin gure gainbehera saihestezina da, nahiz eta beherakada
horren abiadura moteldu dezakegun. Horretarako gure gorputza zaintzea
behar-beharrezkoa izango da, gure sare sozialak eta eguneroko
ekintzak mantentzeaz eta handitzeaz gain, kirola egin beharko baitugu
ohitura bezala. Erretiratzerakoan gorputza askoz gutxiago mugitzen
da, eta gabezia hori estali beharko dugu, 20-30 minutuz ariketa
eginez ahal bada egunero, intentsitate egokiarekin, gure beharretara
egokituz eta dieta osasuntsu batekin lagunduz. (Cortes eta Coyoc,
s.d.)
Gaitzak gaitz,
gogoratu edozeinekin jorratu dezakegula prebentzioa, baldin eta bere
ezaugarrietara ahalik eta gertuen egokitzen bagara. Honen harira,
Sirimiri enpresak (EKIME kongresua, 2010) ikerketa bat egin zuen
edadetu oso hauskorrekin, eta berariazko eskuhartze bat egin
ondoren, izugarrizko hobekuntza izan zuten.
Zeren zain
zaudete, beraz?
Bibliografia
CORTES, J.J.; COYOC, D.I.
Factores que influyen para que se genere el
abandono en las personas de la tercera edad
[linean]. [Mexiko DF]: Universidad
AutónomaMetrópolitana, Unidad Xochimilco, s.d..
[Kontsulta: 2012-05-07].
http://publications.paho.org/spanish/PC_590_Tercera_edad.pdf
EUSTAT (2002):
Biztanleriaren eta etxebizitzaren zentsuak 2001. Emaitzen
aurrerapena. Censos de Población y Viviendas 2001. Avance de
resultados. www.eustat.es
EUSTAT (2013): Euskal AEko biztanleria, lurralde-eremuen, adin-talde handien eta sexuaren arabera. 2011. http://eu.eustat.es/ci_ci/elementos/ele0008400/ti_Euskal_AEko_biztanleria_lurralde-eremuen_adin-talde_handien_eta_sexuaren_arabera_2011/tbl0008458_e.html#axzz2vDDQSKhj
GINÉ-GARRIGA,
María; GUERRA Míriam et al. “The
Effect of Functional Circuit Training on Physical Frailty in Frail
Older Adults:A Randomized Controlled Trial”. Journal
of Aging and Physical Activity, 2010,
18. zenbakia, 401-424 orr.
NHS.
Falls
[linean].
[Erresuma
Batua]:, National Health System, s.d.. [Kontsulta: 2012-05-12]
http://www.nhs.uk/Conditions/Falls/Pages/Introduction.aspx
SKELTON,
D
Can
What’s
different when we are over 85??
[linean].
Profane, 2011ko irailaren 7a. [Kontsulta: 2012-09-08].
http://profane.co/2011/09/07/whats-different-when-we-are-over-85/
iruzkinik ez:
Argitaratu iruzkina