Sarrera
moduan, erorketen datu gehiago jarriko dizkizuegu, harik eta,
irakurtzearen irakurtzeaz, buruz ikasten dituzuen arte.
Hau
honela, edadetuen herenek erorketak izaten dituzte urtero, emakumeak
eta adinean aurrera doazenenak arrisku gehiago dutelarik.. Erorketak
saihesteko modu ona da bizi-kalitate ona mantentzea, gure orekak (eta
ez gara soilik oreka fisikoari buruz ari) zeresan handia baitu.
Horretaz gain, gure inguruko arriskuez eta erorketen arrazoiez
jabetzea ere oso lagungarria da. (CERANSKI
& HAERTLEIN,2002)
Nagusi
gehienek erortzeko beldur handia adierazten dute, eta horren
ondorioz, etxean gelditzen dira eta beraien egoera fisikoak okerrera
egiten du (ikus Kennedy Sindromeari buruzko sarrera). Horrek ez du
beraien erortzeko arriskua handitu besterik egiten, handitzen eta
handitzen doan elur-olde handi xamarra bihurtuz. (CERANSKI
& HAERTLEIN,2002)
Erorketa
bat, baina, ez da arrazoi soil batengatik gertatzen. Ez. Erorketa
faktore ugariren konbinaketa da, zeinetan funtsezkoa izango den
arrazoi guztien azterketa sakona egitea ondorioa hobeto ulertzeko,
baita eskuhartzea zintzoago eta zehatzago finkatzeko ere.
(GINÉ-GARRIGA; GUERRA, 2010)
Horren
harira, askotan erorketak ekiditeko programa asko lehenengo mailako
eskuhartzera (hitzaldiak eta sentsibilizazioak, alegia) mugatzen da,
baita erorketen atzean egon daitezkeen hamaika arrazoiak batera
jorratzera. Hala ere, ikusi da eskuhartze multifaktoriala ez dela
eraginkorra izaten erorketak gutxitzeko. (GOBIERNO; PÉREZ DE
LAS CASAS et al., 2010)
Horren
aurrean, badago irtenbidea, izan ere,
Specificity-of-training-principle delakoak, dio ibilera azkarra igo
egiten dela ibilera kadentziaren maiztasun altuagoa entrenatu egiten
denean. Era berean, pentsatzekoa da gauza bera gertatuko dela oreka
eta hanketako indarra berariaz lantzen ditugunean. Horrek zer esan
nahi du? Entrenamendua alor zehatz batetara bideratuta dagoenean
aukera gehiago ditugula esparru hori hobetzeko. (GINÉ-GARRIGA;
GUERRA, 2010)
Adibide
bat jartzearren, eta lehen aipatu dugun koordinazioa lantzeko, bi
ekintza edo gehiago egin ditzakegu batera, hau da, multitask delakoa.
Horrela, koordinazioa hobetu egiten da eta gainera, fisikoki
hobetzeaz gain ohitze neuromuskularra garatzen da. (GINÉ-GARRIGA;
GUERRA, 2010)
Orain
arte, sarrera honetan zehar norberaren fisikoa besterik ez dugu
aipatu, baina luzeago aipatuko dugu gerora ere. Orain, artikulu
baten laguntzarekin, pertsonaren gaitasun mentalak nola landu
azalduko dugu, betiere erorketak ekiditera bideratuta.
Terapeutek
pertsona-ingurua-lanbidea hirukotea azpimarratzen dute gaitz eta
gertaera gehienen atzean dagoen arrazoi bezala, beste batzuk zuzenean
ariketa fisiko ezari, medikazioari, ikusmen urritasunari eta etxeko
arriskuei leporatzen dizkiete erorikoak. Dena den, oro har faktore
multidimentsionalak eta intrintseko + estrintsekoen arteko
konbinaketa bat izan ohi da. (CERANSKI &
HAERTLEIN,2002)
Nagusien
errutinak antolatzerakoan kontuan hartu behar diren hiru gauza
garrantzitsu osasun egoera, inguru fisikoa eta egingo diren ustezko
ekintzak izango dira, azken hauek zehatzak izatea komeni delarik,
orduan eta eraginkorragoak baitira entrenamenduak eta orduan eta
gehiago igotzen baita autokonfiantza. Progresiboki gauza gehiago egin
behar dira, gaitasunez ohartuz eta kontzientzia piztuz. (CERANSKI
& HAERTLEIN,2002)
Autokonfiantza
aipatu dugunez gero, eta erorketen atzean norberaren gaitasun
kognitibo eta psikologikoak daudenez, horiek ere landu beharrean
gaude, Specificity-of-training-principle delakoa jarraituz.
Izan
ere, zer egin beldurrez josita dagoen agure batekin? Eta bere
buruarengan konfiantza falta ikaragarria duen beste batekin?
Kennedyren Sindromeko gurpil zoroan harrapatuta dagoen pertsona
batekin ba al dago zereginik?
Konfiantza
lortzeko eta beldurrak uxatzeko bi kontzeptu azaldu beharrean gaude.
Alde batetik Banduraren Autokonfiantzaren Teoria dugu, zeinek esaten
duen gure usteak emaitzen eta autokonfiantzaren espektatibetan dutela
jatorria (CERANSKI & HAERTLEIN,2002).
Beraz, erortzen den pertsona batentzako, garrantzitsua izango da bere
burua gai dela ikustea eta hori bera sinistea. Hau honela, konfiantza
hau lortzeko Pygmalion efektuak eta metakognizioak duten garrantzia
nabarmena da. Izan ere, Pigmalion efektua oso arma boteretsua da.
Horrela definituko genuke:
Horrela definituko genuke:
“Gizarte
guztietan rolek portaera-arauak inposatzeaz gain, gizarte klaseei
eusteko balio dute. Pigmalion efektuak sozializatzeko eta gizartearen
igurikapenetara egokitzeko prozesu baliagarria da eta itxaroten
denaren arabera dago oinarriturik bere teoria, espero denarekin
lotuta, hain zuzen ere” (Buenas
tareas, 2012)
Hau
ikusita, agure baten bilobek, seme-alabek, bizilagunek, erizainek eta
abar luze batek itxaropen positiboa helarazten badiogu pertsona
horri, bai hitzez, bai jokaeraz, adineko horrek ikusiko du jendeak
bera ez dela gehiago eroriko sinisten duela, eta horren arabera
aldatuko du bere jokabidea, azken ondorioa erorketen murrizketa
nabarmena delarik.
Bestalde,
Ikaskuntza Sozialaren teoria dugu, zeinek
praktikan oinarritutako lezioei, imitazio bidezko ikaskuntzari,
keinuak eta sintomak ondo irakurri beharrari eta familiak eta
profesionalek izan dezaketen eraginari aitortzen dion protagonista
errola (CERANSKI & HAERTLEIN,2002).
Beste adibide bat jartzearren, pertsona
bati, erorketak ekiditeko programa sozial batean jarraibide batzuk
erakusten badizkiogu, bere erortzeko arriskuak behera egingo du
nabarmen.
Horretaz
gain, konfiantza eta ikaskuntza uztartzeaz gain, adineko jendea oso
ondo ezagutu behar da. Horretarako, autohautemate
egokia sustatu behar da, zein galdera zehatzen bidezko erantzunekin
lortuko den.
Izan
ere, aldaketa asko gertatzen dira adinean igo ahala,
izan gaixotasun, egoera fisikoa edo egoera pertsonala, eta askotan,
aldaketa horien ondorioz erorketak izaten ditugu.
Bukatzeko,
mapa kognitiboa delakoak ere erorikoak izateko
aukerak handitzen ditu. Izan ere, ingurua nolabait gogoratzen dugu
eta mapa edo eskema honek gure ekintzak bideratzen ditu. Horregatik,
ingurua aldatzean pertsona hori ez da ohartzen eta erori egiten da.
Hau dela eta, pentsa zeinen garrantzitsua den adinekoak inguru
horretaz ondo hausnartzea eta aldaketez jabetzea. Halaber, gu ere
kontuz ibili beharko gara aldaketa horiek mugatzeko, izan altzariak
lekuz aldatzea, alfonbra berriak erostea eta abarrekoak.
Ikusi
duzuenez, erorketak ez dira fenomeno fisikoa bere osotasunean, eta
pertsona bat buruz ondo dagoenean, osasunez ere ondo egon ohi da.
Badakizue, Mens sana in corpore sano.
Bibliografia
BUENAS
TAREAS.
Pigmalion efektua [en
línea]. Diciembre del 2012. [Consulta: 2014-03-03].
http://www.buenastareas.com/ensayos/Pigmalion-Efektua/6696643.html
CERANSKI,
Sandy & HAERTLEIN,
Carol. “Helping older adults
prevent falls”. OT Practice (American
Occupational Therapy Association –AOTA-).
Volume 7: 2002 Issue 13, 12-17 pag.
GINÉ-GARRIGA,
María; GUERRA Míriam et al. “The
Effect of Functional Circuit Training on Physical Frailty in Frail
Older Adults:A Randomized Controlled Trial”. Journal
of Aging and Physical Activity, 2010,
mnº 18, pag 401-424.
GOBIERNO,
Jesús; PÉREZ DE LAS CASAS, María Ofelia et al...
" ¿Podemos desde atención
primaria prevenir las caídas en las personas mayores?".
Elsevier [en línea]. Mayo del 2010. volumen 42, nº
5. [Consulta: 23 de Mayo del 2012]
http://zl.elsevier.es/es/revista/atencion-primaria-27/podemos-atencion-primaria-prevenir-las-caidas-las-13149822-originales-2010
iruzkinik ez:
Argitaratu iruzkina